Դասական հեքիաթին այս հայացուած տարբերակին մէջ, Պզտիկ Կարմիր Գլխարկիկը ճամբայ ինկած է դէպի իր Մեծ Մայրիկին տունը, իր հիւանդ մեծ մօր համար թարմ եփուած լահմաճուն տանելու: Չի գիտեր թէ գէշ գայլը կը հետապնդէ զինք, քանի որ լահմաճունը անոր ամենասիրած ուտելիքն է: Գէշ գայլը կը խաբէ Պզտիկ Կարմիր Գլխարկիկը եւ Մեծ Մայրիկին տունը կը հասնի իրմէ առաջ, սոված սպասելով լահմաճունին հասնելուն: Լահմաճունը գողնալու գայլին փորձը կը ձախողի ի վերջոյ, երբ Մեծ Մայրիկն ու քանի մը փայտահատներ կը հասնին, Պզտիկ Կարմիր Գլխարկիկն ու լահմաճունը փրկելու:
Կենսուրախ, լիագոյն նկարազարդումներ կենդանութիւն կու տան պատմութեան, ներկայացնելով գեղեցիկ հայկական բնանկարներ եւ կերպարներ որոնք տիպականօրէն հայեցի են:
Վայելք մը հայ երախաներու համար...