304 pages
Size: 6 1/4" x 9 1/2"
Language(s): Eastern Armenian
«Ռեժիմը խուճապի մեջ է» վավերագրական տրագիկոմեդիան, որը ընդգրկում է 21 ու կես արար և 168 գործող անձ, բացահայտում է Հայաստանի սիրո և համերաշխության հեղափոխության խոր արմատները 1996-ից մինչև 2018 թթ.: Լևոն Տեր-Պետրոսյանի, Ռոբերտ Քոչարյանի, Սերժ Սարգսյանի նախագահության և Նիկոլ Փաշինյանի վարչապետության ժամանակաշրջաններին առնչվող ամենանշանակալի շարժումները պատմվում են «ռեժիմը խուճապի մեջ է» հանրահայտ արտահայտության դիտանկյունից: Տարբեր ձևակերպումներով տասնամյակներ շարունակ այն չարչրկել են այնպիսի հայտնի քաղաքական և հասարակական գործիչներ (Նիկոլ Փաշինյան, Լևոն Տեր-Պետրոսյան, Արտաշես Գեղամյան, Զարուհի Փոստանջյան և այլն): Գրքում 300 էջից 91-ը Կարեն Ղարսլյանի ուրույն նկարազարդումներն են, որոնցում անիմացիոն եղանակով պատկերված են «Լևոն, հեռացի՛ր» (1996), «Պայքար, պայքար մինչև վերջ» (2008), «Բարևի հեղափոխություն» (2013), «Էլեկտրիկ Երևան» (2015), «ՊՊԾ գնդի գրավումը» (2016) և «Իմք այլը» (2018) հեղափոխական շարժումները: Նկարազարդումներից մի քանիսը կցուցադրվեն Ապրիլ գրատան պատկերասրահում:
Թատերգության առաջնախաղը տեղի է ունեցել Երևանում 2019 թ. հունիսի 18-ին («Թեք տեղ» թատերախումբ, բեմադրիչ Նանոր Պետրոսյան):