Description
Նկարագրութիւն
Սա մի պատմություն է փոքրիկ ամպիկի մասին, որը կորցրել էր իր ավագ ընկերոջը և շատ էր տխրում ու շատ էր կարոտում նրան: Առանց իր ընկերոջ’ ձև-ձևիկ խաղալը չէր ուրախացնում նրան: Առանց իր ընկերոջ’նա նաև չէր կարողանում անձրևել, ինչը ամպերի կարևոր գործն է… Երկնքում կարծես ամեն բան փոխված լիներ:
Բայց այս պատմությունը նաև այն մասին է, թե ինչպես մյուս ամպերը ամեն ինչ հասկացան ու սիրով շրջապատեցին նրան: Այն մասին է, թե ինչպես Իմաստուն ամպը օգնեց, որ փոքրիկ ամպիկը մենակ չմնա իր տխրության հետ: Նա նաև ցույց տվեց ամպիկին, թե որքան կարևոր է ամպերի և հենց ի՛ր’ փոքրիկ ամպիկի անձրևելը, թե որքան շատերին է այն պետք…
Գիրքը քեզ կպատմի, թե ինչպես փոքրիկ ամպիկը անցավ այդ դժվար ճանապարհը և ինչպես նորից կարողացավ թե’ անձրևել, թե’ խաղալ իր սիրած խաղը իր ամպ-ընկերների հետ:
